Baku sedu lagi

Obo dari Talaud.

Obo so di Jakarta lagi bakuliah di Universitas Tarumanagara Slipi.
Obo tulis surat pa dia pe papa deng mama di Talaud.

Obo :
Papa, samua Obo pe tamang tamang kalu pikuliah dorang pigi pake KIJANG, KUDA deng ada ley yang pake BEBE Japang, jadi co kwa ngoni kirim akang doi pa Obo biar Obo mo beli satu supaya Obo nyanda ja iko mata.

Papa :
Obo kalu minggu depan ada kapal maso nanti papa somo langsung kirim akang Babi gode pa ngana.

Sampe di Amrik

Uttu pi dola pa Kale baru sampe di Amrik. Turun dari kapal trus nae taxi. Kong kage Kale ba bise : “Uttu, dorang disini sama jo deng torang di kampung”.
Uttu : “kyapa ngana bilang bagitu?”
Kale: “Coba kwa ngana lia … tu tulisan pe basaar,dorang sama deng torang ……. ja makang RW”.
Uttu: “Oooh itu …. itu bukang RW …. itu Hotdog ……. adooo ngana badiang kwa ….. beking malo jo “.

Tikus-tikus lagi ba “OBER”

Tikus pertama :
Kita kalu cuma perangkap tikus kita nya ja anggap,
kita ja anggap itu mainan bue’ bue’ dibawah pohon tome tome.

Tikus kedua :
No kalu kita tu’ racung tikus kita ja anggap stauw,
kita beking rupa anggor tek ho long.

Tikus ketiga :
No kalu bagitu kita mo permisi dulu…!

Tikus pertama deng kedua :
Kiapa mo kemana so…???

Tikus ketiga :
Ohhh…kita mo pi bahugel dulu deng tu’ tusa’ di sebelah.

Tikus pertama deng kedua :
*&^%**&^%$???….!!!

Beda Tusa deng Burung.

Apa Beda Tusa deng burung..?
Chae : Tusa boleh me ngeong no burung nimboleh.
Kaco : salah…..!!!
Chae : Burung boleh terbang, Tusa nimboleh.
Kaco : lebeh soee…, salah besar..!!
Chae : No apa dang..?
Kaco : Tusa kalu torang usap usap dia tatidor, kalu burung torang usap usap dia ta’ bangung dari tidor.
Chae :….ngana pe kalekek deng ngana !!!

Musim Buah Jeruk

Lie KP bili lemong sama cak mat Madura.
Lie KP: Cak barapa 1 kilo ngana pe jeruk
Cak Mat: Gatigaburibumaratus de’
Lie KP: Manis nggak cak
Cak Mat: Kalu ndak manis ndak usah bayar de’
Lie KP: Oh kalu bagitu kita pesan yang nggak manis 10 kilo.
Cak Mat:@#%^^*%^&*(??

SOAL ANJING

Allo ba jaga kobong cuma batamang deng dya pe anjing Moppy. Satu hari karna so tua tu anjing mati. Allo bawa tu anjing ka pastor.
Allo: “Pastor tolong sombayang akang pa Moppy, biar dya maso sorga”.
Pastor: “Bagini Allo …… kalu soal binatang kitya nyanda bisa … bagini jo coba ngana ka jalang sabla, nanti ngana lia ada greja protestan……. pandita disitu barangkali mo tolong pa ngana”.
Allo: “Ooh bagitu …. trima kase dang ….. maar bole batanya sadiki? (Babise)….. Kalu kitya kase 250 ribu pera pa tu pandita … pastor kira dya mo sombayang akang pa Moppy?”
Pastor: “Brapa 250 ribu pera …… adooo ngana dang Allo …….. kyapa kwa nyanda bilang dari tadi ngana pe Moppy anjing Katolik?”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: